Agjencia Kombëtare e Burimeve Natyrore (AKBN) përfaqësoi Shqipërinë në takimin më të fundit të CEEC Scout Meeting, zhvilluar në maj 2025 në Zagreb, Kroaci.

Ky forum rajonal mblodhi aktorët kryesorë të sektorit energjetik nga Evropa Qendrore dhe Lindore, me synimin për të forcuar bashkëpunimin rajonal, shkëmbimin e përvojave dhe zhvillimin e nismave të përbashkëta.

Si anëtare me të drejta të plota në CEEC, AKBN kontribuoi aktivisht në diskutimet mbi sfidat dhe mundësitë në sektorin e hidrokarbureve, duke prezantuar progresin e Shqipërisë në promovimin e burimeve energjetike dhe në tërheqjen e investimeve të huaja.

Pjesëmarrja në këtë takim rikonfirmon rolin në rritje të AKBN-së në bashkëpunimin rajonal dhe përkushtimin e saj për zhvillimin e qëndrueshëm të burimeve natyrore të vendit. Kjo pjesëmarrje gjithashtu hap rrugën për promovimin e burimeve natyrore shqiptare dhe për tërheqjen e kompanive dhe investitorëve të huaj në sektorin energjetik.