Të konsultojë, propozojë dhe bashkëpunojë me strukturat përkatëse të qeverisë për hartimin e politikave të saj në fushën e hidrokarbureve;

Të zbatojë politikat e qeverisë në fushën e hidrokarbureve;

Të sigurojë, brenda fushës së veprimtarisë së vet, oponencën qeveritare për studimet dhe projektet në fushën e veprimtarisë hidrokarbure;

Të promovojë burimet hidrokarbure, të negociojë marrëveshjet hidrokarbure dhe dhe të ndjekë zbatimin e planeve të zhvillimit të tyre;

Të përgatisë dokumentacionin dhe praktikat e nevojshme për dhënien e lejeve, të liçensave, autorizimeve, në përputhje me ligjin, të cilat mundësojnë hyrjen në marrëveshjet hidrokarbure dhe kryerjen e operacioneve hidrokarbure, sipas marrëveshjeve të lidhura;

Të mbikqyrë veprimtarinë hidrokarbure;

Të ndjekë zbatimin e marrëveshjeve të lidhura hidrokarbure;

Të administrojë, ekskluzivisht, të gjitha të dhënat parësore të sektorit hidrokarbur dhe të dhënat, që lidhen me veprimtarinë hidrokarbure;

Të komercializojë, në bazë të parimeve të tregut të lirë, pjesën e hidrokarbureve që i përket Shtetit në një marrëveshje hidrokarbure, e të tjera.

Hapjen e industrisë së naftës dhe gazit ndaj konkurencës së lirë dhe liberalizimit të tregut hidrokarbur;

Inkurajimin e investimeve të huaja të naftës dhe gazit nëpërmjet krijimit të një legjislacioni me fleksibilitetin e duhur dhe inkurajues në fushën e hidrokarbureve;

Thithjen e investimeve të huaja nëpërmjet hartimit të një legjislacioni atraktiv në lidhje me regjimin fiskal dhe taksat;

Krijimin e institucioneve dhe strukturave të specializuara për realizimin e tyre.

Si rezultat i kësaj politike dhe aktiviteti të drejtpërdrejtë bashkëpunimi me kompanitë e huaja për kërkimin dhe nxjerrjen e naftës në Shqipëri...