Drejtori Ekzekutiv i Agjencisë Kombëtare të Burimeve Natyrore z. Adrian Bylyku   zhvilloi një takim pune në kuadër të bashkëpunimeve  me përfaqësues të  Dhomës  Amerikane të Tregtisë (AMCHAM).  Në këtë takim Dhoma Amerikane e Tregtisë përfaqësohej nga  Presidenti,  Drejtori Ekzekutiv, si  edhe disa anëtarë të këtij institucioni.

Takimi kishte si  synim nxitjen e investimeve dhe zhvillimin e biznesit amerikan në Shqipëri në fushën e veprimtarive të Agjencisë Kombëtare të Burimeve Natyrore.    Dhoma Amerikane e  Tregtisë  është  një ndërmjetëse e rëndësishme në punën e saj në mbrojtje të  interesave të biznesit amerikan. Në këtë kuadër,  drejtuesit e Dhomës Amerikane të Tregtisë në këtë takim, treguan interes të veçantë për fushat në të cilat operon AKBN, duke u  shprehur  për një thellim të këtij bashkëpunimi.

Gjithashtu, në  këtë takim nga ana e Drejtorit Ekzekutiv te AKBN-së, u bë  një ekspoze e aktivitetit të këtij institucioni në të gjithë fushat e veprimtarisë së tij, duke i ftuar në vazhdimësi për  bashkëpunim anëtarët e Dhomës Amerikane të Tregtisë.