Në bazë të shkresës nr.4085, datë 30.10.2020, si dhe nenit 26, kreut VI të Rregullores së Agjencisë Kombëtare të Burimeve Natyrore, për mënyrën e marrjes në punë  për vende të lira në organikën e AKBN-së, shpallet  një vend vakant në Drejtorinë  e Administratës me kriteret përkatëse  për  pozicionin e punës, si më poshtë vijon:

Pozicioni i lirë është:

Specialist në Sektorin e Burimeve Njerëzore në Drejtorinë  e Administratës

Kriteret për pozicionin Specialist janë:

Të ketë mbaruar arsimin e lartë në fakultetin Ekonomik/Shkenca Sociale/Drejtësi

Preferohet të ketë master në fushën e Administrimit Publik

Të ketë eksperiencë pune  minimumi 1 vit në fushën e burimeve njerëzore

Të njohë programet  kompjuterike (word, excel)

Të njohë mirë gjuhën Angleze apo ndonjë gjuhë tjetër

Të ketë aftësi të mira komunikimi dhe të punës në grup

Dokumentet që duhet të paraqesin të interesuarit janë:

Fotokopje të diplomës dhe listës së notave

Curriculum Vitae  (Cv)

Fotokopje të librezës së punës

Dëshmi kualifikimi të ndryshme

Afati i dorëzimit të dokumenteve është dy ditë pas shpalljes së njoftimit në internet. Dokumentet duhet të dorëzohen pranë Agjencisë Kombëtare të Burimeve Natyrore, në Sektorin e Arkivës Administrative dhe Protokollit.