Blue Deal Testing Lab Albania – YouTube)

08/10/2020

• 7 teknologjitë e blue energy janë të përshtatshme për tu zbatuar në brigjet shqiptare.
• Më shumë se 70 persona kanë marrë pjesë në këtë event e konceptuar për të rritur njohuritë në lidhje me gjenerimin e energjisë nëpërmjet energjisë detare.

Partnerët e projektit Blue Deal për dy ditë, kryen në mënyrë virtuale, testimin e dytë  të përqëndruar në mundësitë e zhvillimit dhe zbatimit të teknologjive të ndryshme të Blue Energy në portin e Durrësit, Shqipëri. Politikat energjitike në Shqipëri kanë objektivin kryesor të zbatojnë tranzicionin, i cili do të jetë kalimi nga një sistem i qëndrueshëm i energjisë në një sistem energjie miqësor ndaj mjedisit. Ky tranzicion do të mbështetet në energjitë e rinovueshme.

Laboratorët e Projektit Blue Deal janë krijuar të kenë dy komponentë:

1. Planifikimin e një sesioni të blue energy për të zhvilluar zgjidhjet e mundshme në shfrytëzimin e energjisë detare në zonën e studimit.
2. Një sesion të hapur inovativ që mendohet të përfshije SME-të dhe ndërmarrjet e tjera, me një qasje për zgjidhjen e problemeve që bashkon sfida dhe propozime për zhvillimin e këtyre teknologjive.

Në këtë kuptim, gjatë eventit u theksua pasuria e Shqipërisë në energjitë e rinovueshme me burime kryesore hidrike. Gjithashtu është vërejtur një potencial i madh në prodhimin e energjisë elektrike nga turbinat e erës në det dhe nga energjia e valëve detare. Si pjesë e projektit Blue Deal, lista e blue energy është zhvilluar, përzgjedhur dhe klasifikuar në tre grupe kryesore:

• Në breg
• Afër bregut
• Jashtë detit që mund të zbatohen në zonën e Mesdheut

Gjithashtu, u përdor aplikacioni GIS për vlerësimin paraprak të mundësive të vendosjes së bleu energy në Portin e Durrësit. Nga 11 teknologjitë e blue energy që po shqyrton projekti, 7 prej tyre janë të përshtatshme për t’u zhvilluar në brigjet shqiptare dhe disa prej tyre mund të kërkojnë kosto shtesë “vetëm” për të zhvilluar një projekt demonstrues.

Gjithashtu, ekziston mundësia e shfrytëzimit të energjisë së erës nëpërmjet turbinave në det. Së fundmi, gjithashtu mund të përdoret shkëmbimi i nxehtësisë dhe shfrytëzimi i biomasës detare.

Kështu që, pjesëmarrësit dhe publiku i gjerë mund të marrin ide mbi ndikimin vizual të teknologjivë të ndryshme, vendodhjes së propozuar, mënyrës së punimit të tyre si dhe zhvillimin e modelit 3D. Kjo mënyrë ka zgjuar interesin publik, i cili ka marrë pjesë në një sondazh mbi ndikimin vizual të këtyre teknologjive. Gjithashtu, janë analizuar pjesa e planifikimit, problemet dhe impakti mjedisor që ka implementimi i këtyre teknologjive.

Dita e e dytë e eventit u fokusua më shumë në projektet që tashmë janë duke u zhvilluar në zonën e synuar. Disa prej kompanive shqiptare si EECG, Infra-Plan dhe AED bënë të njohur situatën e energjisë dhe mjedisit në Durrës si dhe planin e tyre të zhvillimit. Për më tepër, fondacioni “Valencia Port” i cili menaxhon portin e 5 më të ngarkuar në Europë shpërndau me të pranishmit strategjitë që e bëjnë një port të vizituar nga të gjithë, eficent dhe me zero emisione.

Një përfaqësues nga projekti i kaluar Pelagos është përfshirë në projektin Blue Deal i cili prezantoi platformën, një mënyrë zbatimi për të përshpejtuar zhvillimin e sektorit blue energy në brigjet mesdhetare. Gjithashtu, Instituti i Valencias për bizneset konkurruese prezantoi platformën, mbështetjen më të madhë në botë në lidhje me SME-të me ambicie ndërkombëtare. Këto dy platforma mund të jenë strategjike për të nxitur dhe inkurajuar zbatimin e blue energy në zonën Mesdhetare.

Në përfundim të këtij testimi të dytë, u prezantuan mundësitë e financimit të BE-së në sektorin e energjisë si dhe Forumi i parë i Biznesit, i cili do të zhvillohet onlinë në 11 nëntor në kuadër të eventit MED.

Më shumë se 70 persona kanë marrë pjesë në këtë event të zhvilluar për të rritur njohuritë në lidhje me mundësitë e gjenerimit të  energjisë e ofruar nga energjia detare, për të ndërtuar një hapësirë takimi ndërmjet SME-së, autoriteteve publike, institucioneve të dijes dhe shoqërisë Civile.