TAKIM AKBN ME PARTNERËT NDËRKOMBËTARË, PËR ENERGJITË E RINOVUESHME

…Adrian Bylyku thirrje partnerëve, “Shqipëria, mjedis pjellor për projektet tuaja”

Në datat 6-7 korrik 2021,nga AKBN u organizua takimi Hard Talk me temë “Burimet e Rinovueshme, harmonizimi i sistemit tonë elektro-energjetik me hyrjen e kapaciteteve të reja fotovoltaike”, në bashkëpunim me Zyrën Ekonomike të Kombeve të Bashkuara  (UNECE),  Agjencinë Gjermane të  Energjisë (DENA), Komunitetin e  Burimeve të Energjive të Rinovueshme, REN21,si dhe  Ministrinë Federale të Gjermanisë për Çështjet Ekonomike për energjitë e rinovueshme. Në këtë takim morën pjesë gjithashtu edhe përfaqësues nga Ministria e Infrastrukturës dhe Energjisë, institucionet KESH, OSHEE, OST, ERE, BERZH, grupe interesi e biznese që investojnë në Shqipëri në fushën e burimeve të energjive të rinovueshme nga Statkraft,  Voltalia,  shoqëri këshillimi që ofrojnë analiza në fushën e energjisë, etj.

Në fjalën hapëse dhe përshëndetëse që mbajti në këtë takim Drejtori Ekzekutiv i Agjencisë Kombëtare të Burimeve Natyrore Z.Adrian Bylyku, paraqiti mundësitë që ofron Shqipëria për shfrytëzimin e burimeve të  rinovueshme dhe ftoi partnerët ndërkombëtarë që të zhvillojnë projekte në këtë fushë.

Gjithashtu u paraqit roli i AKBN-së për burimet e rinovueshme si një institucion promovues dhe monitorues të tyre me mundësitë e zhvillimit të projekteve të burimeve të rinovueshme edhe me mbështetjen e UNECE, DENA dhe REN 21, situata e Shqipërisë në promovimin e burimeve të rinovueshme, strategjia në zhvillimin e tyre, aksesi në rrjetin tonë energjetik me problematikat dhe zgjidhjen e tyre, etj. Në kuadër të propozim ideve nga Drejtuesi i AKBN-së,përveç të tjerash ishte edhe që burimet e rinovueshme të jenë objekt i edukimit në sistemin arsimor shqiptar

Përfaqësues i UNECE Z.Gianluca Sambucini, në fjalën e tij gjatë diskutimit, ndër të tjera propozoi të japim ide mbi projekte specifike që mund të zbatohen gjatë muajve në vijim.

Z.Michael Hackethal, përfaqësues i Ministrisë Federale të Gjermanisë për Çështjet Ekonomike, theksoi në vijimësi të propozimeve për të rritur bashkëpunimin në të ardhmen për energjinë e erës dhe atë diellore. Ndërsa sipas përfaqësuesve të REN 21, i gjithë debati në të ardhmen për burimet e rinovueshme është që të fokusohet në zbatimin e Marrëveshjes së Parisit. Përfaqësuesja e  MIE, bëri një pasqyrim të të gjitha përpjekjeve dhe hapave që janë marrë nga qeveria shqiptare për të mundësuar diversifikimin e shfrytëzimit të burimeve të rinovueshme. Bizneset investuese në Shqipëri si Statkraft, Voltalia përmes përfaqësuesve të tyre prezantuan  para të pranishmëve investimet e kryera deri më tani në Shqipëri.     Në fund të takimit, Drejtori Ekzekutiv i AKBN falenderoi bashkëpunëtorët si edhe të gjithë aktorët pjesmarrës,duke e vlerësuar takimin për nga kontributi si një risi në fushën e energjive të rinovueshme.

Më poshtë do të gjeni rekondaminet e partnerëve ndërkombetare për Shqipërine në fushën e energjive të rinovueshme:

Rekomandimet finale