Më datën 16 Mars 2023 në Bruksel u organizua takimi shpjegues për direktivat e BE-së, në mbështetje të kapitullit 15 “Energjia “dhe kapitullit 21 “Rrjeti Trans-Europian”. Për këtë qëllim, nga përfaqësuesit e BE-së u prezantua politika europiane e energjisë si dhe direktivat për rrjetin europian të energjisë, për sigurinë e furnizimit si dhe direktiva për etiketimin e paisjeve që konsumojnë energji.

Synimi  i BE-së në këtë takim informues me Shqipërinë dhe Maqedoninë e Veriut ka të bëjë me përdorimin sa më shumë të energjisë së pastër si dhe përdorimin sa më eficent të energjisë,në mënyrë që vendet e BE-së si dhe vendet që aderojnë në BE, të kenë sa më pak vartësi nga lëndet fosile, për të cilat kriza e luftës Ukrainë Rusi ka shkaktuar problem në sigurimin e tyre.Në mbështetje të kesaj iniciative ,vendet e BE-së deri në vitin 2030, kanë përcaktuar targetin për kontributin e energjisë së pastër deri në 32%.Takimi përcaktoi detyra për vendin tonë në mënyrë që të ndërtojë programe  për realizimin e zbatimit të direktivave të BE-së në mbështetje të kapitujve 15 dhe 21 për energjinë.AKBN-ja në këtë takim u prezantua nga Drejtori Ekzekutiv Z.Adrian Bylyku.