6-Mujori i parë 2025/ AKBN në terren për monitorimin e minierave

AKBN ka vijuar me vëzhgimin në terren për kontrollin dhe vlerësimin e burimeve të kromit në zonat strategjike të Bulqizës.

Ekspertët e Drejtorisë Minerare në AKBN janë angazhuar në mënyrë aktive në terren, për përmbylljen me sukses të planit të mbikëqyrjes dhe monitorimit për 6 mujorin e parë të vitit 2025, duke zhvilluar një proces të detajuar kontrolli dhe vlerësimi në disa prej vendburimeve më të rëndësishme të mineralit të kromit në vend.

Fokus i veçantë i këtij monitorimi janë zonat strategjike si Zona D dhe Zona e Parë në Bashkinë Bulqizë, si dhe zonat minerare në Batër – Martanesh dhe Ternovë – Lugu i Gjatë.

Ky angazhim në terren synon të sigurojë një mbikëqyrje rigoroze teknike dhe një analizë të plotë të kushteve në të cilat operojnë subjektet minerare, me qëllim rritjen e transparencës, efikasitetit dhe sigurisë në sektorin minerar.

Puna e ekspertëve vjen si pjesë e një strategjie të gjerë për menaxhimin e përgjegjshëm të burimeve natyrore të Shqipërisë.

AKBN mbetet e përkushtuar në punën për përmirësimin e vazhdueshëm të mekanizmave të kontrollit, në funksion të një zhvillimi të qëndrueshëm dhe të sigurt të sektorit minerar në Shqipëri, në përputhje me legjislacionin në fuqi dhe interesin publik.