AKBN dhe Oda e Minierave të Kosovës takim pune për forcimin e bashkëpunimit dhe promovimit në sektorin minerar
Bashkëpunimi më i ri mes Agjencisë Kombëtare të Burimeve Natyrore dhe Odës së Minierave të Kosovës po krijon hedhjen e hapave të para
drejt krijimit të një peizazhi minerar më të integruar dhe konkurrues në arenën ndërkobmëtare për Shqipërinë dhe Kosovën.
Agjencia Kombëtare e Burimeve Natyrore mirëpriti në zyrat e saj delegacionin e Odës së Minierave të Kosovës,
të kryesuar nga Drejtori Ekzekutiv, z. Mentor Demi, në kuadër të një takimi pune të fokusuar në avancimin e sektorit minerar mes dy vendeve tona.
I pranishëm në takim, Drejtori Ekzekutiv i AKBN-së, z. Genci Tërpo, vendosi fokusin në bashkëpunimin dhe
koordinimin e aktiviteteve të përbashkëta mes dy palëve,
me synim mbështetjen e investitorëve si dhe rritjen e aktiviteteve në këtë sektor.
Palët në takim ndanë një vizion të përbashkët për promovimin e potencialit minerar mes Shqipërisë dhe Kosovës,
kryesisht në evente ndërkombëtare si PDAC (Kanada), Resourcing Tomorrow (Britani e Madhe) dhe Future Minerals Forum (Arabia Saudite).
AKBN-ja mbetet e përkushtuar në ndërtimin e partneriteteve strategjike rajonale, në funksion të rritjes së investimeve
dhe zhvillimit ekonomik të qëndrueshëm – u shpreh z. Tërpo. Ndërkaq, drejtuesi i Odës së Minierave të Kosovës, z. Demi,
shprehu gatishmërinë për bashkëpunime të mëtejshme për të krijuar një peizazh minerar më konkurrues dhe më të integruar në Ballkan.
