Bazuar në nenin 23, kreu IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:

Pozicioni vakant:

Specialist në Sektorin e Monitorimit të Operacioneve Hidrokarbure në Kërkim-Vlerësim, në Drejtorinë Hidrokarbure.

Kriteret:

· Të ketë kryer arsimin e lartë Bachelor, me profil Ekonomi/Financë;

· Të ketë përfunduar gjithashtu arsimimin me titull Master Shkencor;

· Të ketë njohuri të mira të gjuhës Angleze;

· Të ketë njohuri shumë të mira për të punuar me programet bazë kompjuterike të Office (Word, Exel, Outlook), Autokad etj;

· Të ketë aftësi të mira komunikimi për të punuar në grup;

· Eksperienca në punë përbën avantazh.

Detyrat kryesore që do të kryejë Specialisti në Sektorin e Monitorimit të Operacioneve Hidrokarbure në Kërkim-Vlerësim, në Drejtorinë Hidrokarbure

· Sistemon, përpunon dhe organizon informacionin periodik që dërgojnë kompanitë që janë në Marrëveshje Hidrokarbure;

· Ndjek zbatimin e kalendarit të operacioneve të parashikuara në planet e zhvillimit dhe programet e miratuara për secilën Marrëveshje Hidrokarbure;

· Harton dhe përgatit shkresa dhe letra në përgjigje të korrespodencës zyrtare me Institucionet qëndrore dhe kompanitë që janë në Marreveshje Hidrokarbure;

· Ndihmon në përgatitjen e analizave periodike të ecurisë së zbatimit të Marrëveshjeve Hidrokarbure dhe përputhshmërinë e tyre me planet e programet e miratuara si dhe me termat e parashikuara në këto Marrëveshje Hidrokarbure;

· Merr pjesë në mbledhjet teknike që kompanitë organizojnë në përputhje me marrëveshjen hidrokarbure;

· Jep periodikisht mendime për ecurinë e realizimit të marrëveshjeve dhe raporton tek Shefi i Sektorit;

· Merr pjesë në grupet e supervizionit të operacioneve hidrokarbure, që AKBN kryen, pranë kompanive që janë në Marrëveshje Hidrokarbure;

· Kryen detyra të ndryshme teknike, në shërbim të Institucionit;

· Kryen edhe detyra specifike në shërbim të Institucionit;

· Raporton me shkrim mbi ecurinë dhe përfundimin e punimeve të kërkimit nëse ato janë konform apo jo me standardet e përcaktuara;

· Për çdo shkelje të marrëveshjes, ligjeve apo rregulloreve në fuqi raporton tek drejtuesit eproret e tij;

· Realizon transferimin e të dhënave origjinale të punimeve gjeologo-gjeofizike nga Kontraktori te Arkiva Hidrokarbure;

· Merr pjesë në grupe pune që ngrihen nga AKBN ose nga Ministria e Linjës;

· Ndihmon në përgatitjen e paketës së të dhënave që do të sistemohen në faqen zyrtare elektronike të AKBN për të gjitha Marrëveshjet Hidrokarbure;

· Kryen detyra të ndryshme që dalin gjatë vitit në funksion të nevojave të Drejtorisë dhe të Agjencisë, si dhe çdo detyrë tjetër të ngarkuar nga Drejtori Ekzekutiv.

Dokumentet që duhet të paraqesin të interesuarit janë:

· Curriculum Vitae;

· Çertifikata e gjendjes familjare;

· Diploma e shkollës së lartë, lista e notave;

· Çertifikatat ose diplomat e kualifikimeve ose të specializimeve, në rast se ka;

· Dëshmi e mbrojtjes së gjuhëve të huaja, në rast se ka;

· Dokumenti i laurimit me gradë shkencore, në rast se ka;

· Fotokopje e pasaportës ose kartës së identitetit.

· Librezë pune;

· Vërtetim që nuk ka masë disiplinore në fuqi;

· 3 foto dokumentash;

· Dëshmi penaliteti;

· Raport mjekësor.

Afati i dorëzimit të dokumenteve është dy ditë pune nga shpallja e njoftimit në faqen zyrtare të AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit.

                                                                                                                                                                                                                                                                                  Publikuar më 11.04.2025