Njoftim për vend të lirë pune

Bazuar në nenin 23, kreut IV i Rregullores së Agjencisë Kombëtare të Burimeve Natyrore, për mënyrën e marrjes në punë për vende të lira në organikën e AKBN-së, njoftojmë se AKBN shpall vend vakant me kriteret përkatëse për pozicionin e punës, si vijon:
Pozicion vakant:
Një (1) pozicion vakant – Teknik Mirëmbajtës në Sektorin e Shërbimeve të Brendshme në Drejtorinë e Shërbimeve Mbështetëse.
Kriteret:

Të ketë arsim të mesëm;

Të ketë njohuri në fushën elektrike-hidraulike;

Eksperienca përbën avantazh;

Të ketë aftësi të mira komunikimi dhe të punës në grup.

Detyrat kryesore që do të kryejë Tekniku-Mirëmbajtës në Sektorin e Shërbimeve të Brendshme:

Përkujdesen për mirëmbajtjen e ambienteve dhe aseteve të AKBN-së;

Riparojnë defektet dhe rivendosin në funksionim pajisjet pronë të AKBN-së;

Kryen detyra të ndryshme që dalin gjatë vitit në funksion të nevojave të Drejtorisë dhe të Agjencisë.

Dokumentet që duhet të paraqesin të interesuarit janë:

Curriculum Vitae;

Çertifikata e gjendjes familjare;

Diplomë e shkollës së mesme;

Fotokopje e pasaportës ose kartës së identitetit;

Librezë pune;

3 foto dokumentash;

Dëshmi penaliteti;

Raport mjekësor.

Afati i dorëzimit të dokumenteve është dy ditë nga shpallja e njoftimit në faqen zyrtare te AKBN-së. Dokumentet duhen dorëzuar pranë Agjencisë Kombëtare të Burimeve Natyrore, në Sektorin e Arkivë Protokollit.