Kjo rregullore ka për objekt përcaktimin e procedurave të miratimit të marrëveshjeve hidrokarbure e licensë-marrëveshjeve, si dhe afatet përkatëse për miratimin e tyre.
1. Procedura për përgatitjen dhe miratimin e një Marrëveshje Hidrokarbure, nga AKBN dhe Albpetrol, sipas zonave që kanë në administrim, është si më poshtë:
a. Subjekti i interesuar paraqet pranë AKBN apo Albpetrol-it një aplikim për të hyrë në Marrëveshje Hidrokarbure. Këto të fundit duhet t’i paraqesin Ministrisë dokumentacionin e nevojshëm dhe kërkesën për miratimin e fillimit të negocimeve.

b. Në rast miratimi, përfaqësuesit e AKBN apo Albpetrol fillojnë negocimin me subjektin e interesuar për Termat dhe Kushtet Kryesore të Marrëveshjes Hidrokarbure, në bazë të aplikimit të paraqitur nga subjekti i interesuar. Pasi bien dakord, dokumenti nënshkruhet nga të dy palët dhe i përcillet Ministrisë për miratim.

c. Ne rast te miratimit te Termave dhe Kushteve Kryesore te Marrëveshjes Hidrokarbure, AKBN fillon procesin e negocimit. Procesi përfundon kur drafti përfundimtar firmoset ne çdo faqe nga përfaqësuesit e AKBN dhe subjektit te interesuar.

Drafti i përfunduar përkthehet ne shqip dhe i përcillet Ministrisë për miratim. Ne rast se AKBN e gjykon te nevojshme kryen oponenca dhe drafti, pas rishikimit, i përcillet Ministrit për miratim.

d. Drafti i firmosur i Marrëveshjes Hidrokarbure mund te dërgohet për oponencë nga Ministria, nëse e gjykon te nevojshme. Ministria dërgon draftin për mendim ne Ministrinë e Financave dhe Ministrinë e Drejtësisë.

Ne rast vërejtjesh nga oponenca e kryer ose nga Ministritë e sipërpërmendura dhe kur ato gjykohen te drejta, drafti rinegociohet.

Pas kryerjes se rinegocimeve AKBN e përcjell draftin e rinegocuar per miratim dhe nënshkrim tek Ministri.

e. Me nënshkrimin e Marrëveshjes Hidrokarbure, ajo dërgohet për miratim përfundimtar ne Këshillin e Ministrave.

2. Procedura për përgatitjen dhe miratimin e një Licence-Marrëveshje, është si me poshtë:

a. Albpetrol paraqet pranë AKBN kërkesën për t’u pajisur me Licence-Marrëveshje nga Ministri, pas miratimit nga Ministria te Termave dhe Kushteve Kryesore te Marrëveshjes Hidrokarbure.
b. AKBN përgatit dhe i dërgon Albpetrol-it draftin e Licence-Marrëveshjes. Ky draft diskutohet mes Albpetrolit dhe AKBN dhe përgatitet drafti përfundimtar qe firmoset ne çdo faqe. Drafti përfundimtar i paraqitet Ministrisë për miratim dhe nënshkrim.

Informacion më i detajuar në lidhje me afatet mund të gjendet në dokumentin bashkëlidhur.