Në bazë të Ligjit nr. 10304, datë 15.07.2010 “Për Sektorin Minerar në Republikën e Shqipërisë”, të ndryshuar dhe akteve nënligjore në zbatim të tij, Drejtoria Minerare në AKBN, ofron shërbimin për të tretë për:

– Kryerjen e akt-verifikimeve për zonat e reja minerare;

– Verifikimin e problematikave të ngritura nga subjektet, zotërues të lejeve minerare;

– Trasimet në terren të koordinatave të zonave minerare, të kërkesave për zgjerime, mbivendosje, etj, si dhe përcaktim të vendndodhjes në terren të punimeve minerare horizontale dhe të pjerrta me dalje në sipërfaqe, zonave të rrezikshme dhe objekteve sipërfaqësorë;

– Verifikimin dhe riverifikimin e sipërfaqeve të lejeve minerare, minierave të shfrytëzuara dhe minierave të braktisura e të mbyllura;

Dokumentacioni i nevojshëm:

– Dokumentacioni i ardhur nga Qendra Kombëtare e Biznesit.

– Kërkesa të dërguara nga subjektet fizikë e juridikë, vendas dhe të huaj sipas problematikës përkatëse.

Hapat e procedures

-Ardhja e njoftimit nga Ministria e Infrastrukturës dhe Energjisë (MIE), dhe nga Qëndra Kombëtare e Biznesit, (QKB).

-Ardhja e kërkesës nga subjektet fizikë apo juridikë, vendas dhe të huaj

-Shqyrtimi i dokumentacionit

-Vizita në terren për kryerjen e akt-verifikimit (ose verifikime të tjera përkatëse)

– Hartimi i aktverifikimit dhe paraqitja në këshillin teknik të AKBN-së

Kosto

Tarifa për kryerjen e akt-verifikimit është përcaktuar në Urdhrin e Ministrit të Ministrisë Energjisë dhe Industrisë (MEI) nr. 250, datë 31.12.2013 “Për miratimin e tarifave në sektorin minerar” dhe Urdhrin nr. 43 të Ministrit të MEI, datë 28.01.2014 “Për miratimin e disa shtesave dhe ndryshimeve të tarifave në sektorin minerar”. Ajo varion nga 61000 lekë deri 197000 lekë në varësi të vendndodhjes së objektit për t’u verifikuar.

Tarifat për akt verifikimin sipas rretheve