Sektori i Laboratorit vepron në përbërje të Drejtorisë Minerare pranë AKBN-së dhe përbëhet nga dy njësi të veçanta laboratorike të pajisura me aparaturat dhe paisjet e duhura bashkëkohore;
1. Laboratori teknologjik (ku realizohen përgatitja kampioneve për analiza fiziko –kimike si dhe kryhen studime sondazhi në kuadrin e promovimeve të lëndëve të para minerare të vendit).
2. Laboratori analizave kimike (në kuadrin e monitorimeve dhe promovimeve) , kryen analizat kryesore kimike të materialeve të ngurtë e ujrave me karakter kryesisht ndotës dhe analizat kimike për njohjen e lëndëve të para minerare dhe të produkteve të mundshëm të tyre gjatë proceseve të pasurimit.
• Për mbetjet e ngurta (stoqet e mineraleve , sterilet e minierave dhe sterilet e fabrikave apo mbetjet e metalurgjive), kryesisht analizohen ato me karakter të theksuar ndotës të xeherorëve, mbizotërojene ato sulfure etj.
• Për ujrat e ndotura që dalin nga minierat, penetrojnë në stoqet e mineraleve, sterilet e minierave dhe për më tepër në dambat e fabrikave të pasurimit , mbetjeve të metalurgjisë etj. pa lënë mënjanë dhe burimet e tjera ujore. Në këtë kuadër  kryhen si përcaktime kryesore parametrat dhe elementet e poshtëshënuar:
(pH, konduktiviteti,kripshmëria,Cu, Zn, Pb,Ni,Co, Fe ,Cd,SO42- ,Cl-,NH4+, NO3- etj.
2.1 Laboratori analizave kimike ( në kuadrin e promovimeve) kryen analiza kimike për xeherorët;
Metalorë ( të kromit, të bakrit , hekur-nikelit,nikelit – silikat etj).
• Jometalorë ( kuarcitet, karbonatiket, argjilat etj)
Në tërësi përbërësit më të shpeshtë që analizohen janë;
(Cr2O3,SiO2,Al2O3,MgO,CaO,FeO,Fe2O3,Cu,Ni,Co,Zn, H.K., Mb.p.tr., etj.)
2.2 Analizat e gazeve ( kryesisht në këtë drejtim do të mund kryhen sipas natyrës);
• Përmbajtja e pluhurave në ajër në minierat, karierat, impiantet e thyerjeve e fraksionimit, fabrikat e pasurimit, metalurgjitë etj.
• Në përputhje me natyrën e pluhurave , do përcaktohen përmbajtjet e lëndëve të dëmshme .
3. Sa më sipër laboratori fiziko –kimik synon dhe realizon shërbime përkatëse të specializuara dhe për të tretë, duke përfshirë;
• Përgatitje lëndësh të para par analiza fiziko kimike.
• Analiza fizike ( lagështie, granulometrike,p.vol.,p.sp. etj)
• Sondazhe pasurueshmërie ( gravimetri, flotim, seperim magnetik etj.)
• Analiza kimike të sipërpërmendura për xeherorët dhe ujrat etj.
Gjatë kësaj periudhe ekipi i sektorit të laboratorit është i përbërë nga 7 specialistë me arsim të lartë dhe me eksperiencë të mirë pune, si teknologjike dhe analitike.
Sa thamë, këto shërbime për të tretë realizohen në perputhje me tarifa të miratuara të cilat janë nga më të ultat në treg.  Lista e çmimeve është e bashkangjitur.
Aktualisht AKBN është në prag të çeljes së procedurave të akreditimit të laboratorit, akreditimi i laboratorit testues dhe kalibrues, sipas Standardit S SH EN ISO/IEC 17025:2005.
Akreditimi do të kryhet në përputhje me procedurën e akreditimit të laboratorëve testues dhe kalibrues, mbështetur në Ligjin Nr.9824, datë 01.12.2007 “Për akreditimin e organizmave të vlerësimit të konformitetit në Republikën e Shqipërisë”; Standardit S SH EN ISO/IEC 17025:2005.