Drejtoria e Monitorimit të Veprave Energjetike në AKBN, kryen monitorimin e kontratave koncesionare. Mban një bazë të dhënash të të gjithë të dhënave teknike të kontratave koncesionare, bën monitorimin në terren sipas planit të monitorimit të Hec-ve, përgatit raportin e monitorimit në lidhje me zbatimin e kontratës koncesionare, përgatit raportin 3-mujor për autoritetin kontraktor në bashkëpunim me sektorin ligjor dhe të financës, si dhe raportet 2-mujore, 4-mujore, 6-mujore, 9-mujore dhe vjetore për implementimin e planit të monitorimit.

Dokumentacioni i Nevojshëm:

• Kontrata e koncesionit dhe shtesat e saj nqs ka
• Shkresa e aplikimit të shoqërisë koncesionare tek A.K për Miratimin e Projekt-zbatimit.
• Relacioni i Oponences Teknike, për Projekt-zbatimin e paraqitur nga Shoqëria Koncesionare.
• Shkresa e Miratimit të Projekt-zbatimit nga A.K.
• Kushtet e tenderit lidhur me tipin dhe llojin e makineri pajisjeve (Kineze, Europiane, Indiane…etj ), informacion ky që duhet të dërgohet nga Autoriteti Kontraktor tek AKBN.
• Projekt-zbatimi i miratuar i sigluar (firmë/vulë) nga Grupi i O.T dhe Autoriteti Kontraktor ku si pjesë përbërëse të tij ka Preventivin e detajuar sipas formatit tip referuar –  Udhëzimit Nr. 3, datë 15.02.2001“Për Mbikëqyrjen dhe Kolaudimin e Punimeve të Ndërtimit” (Ndryshuar me udhëzimin e Këshillit te Ministrave, nr.4, datë 17.05.2001, nr.7, datë 21.11.2001, nr.1, datë 22.02.2005) dhe Udhëzimit Nr.1, datë 16.6.2011 “Për disa ndryshime në udhëzimin Nr.3 , datë 15.2.2001 të Këshillit të Ministrave “për mbikqyrjen dhe kolaudimin e punimeve të ndërtimit”, të ndryshuar.)
• Kërkesat e shoqërive koncesionare për miratim nga institucionet përkatëse të ndryshimeve që mund të kenë pësuar projektet e zbatimit të miratuar e që rrjedhimisht kanë shkelur apo kaluar lejet e marra më parë nga to.
• Raportet periodike tremujore të ecurisë së kontratës koncesionare lidhur me investimet e kryera në të dhe problematikat që mund të jenë hasur.
• Grafiku i Hartuar nga Palët, plani dhe projekti i Riinvestimit në periudhën e përcaktuar në kontratën e koncesionit.
• Të gjitha vendimet për miratimin e Lejeve dhe lejet e zbardhura per ndertimin e Objektit/eve
• Kontratat e lidhura midis shoqërive koncesionare me nënkontraktorët – mbikqyrësin dhe gjithë aktorët pjesmarrës në ecurinë e kontratës koncesionare, të shoqëruara me marrëvshjet përkatëse,  preventivat e rënë dakort midis tyre dhe licensat profesionale për ushtrimin e detyrave të rëna dakort.
• Policat e Sigurimit të Kontratave apo shtesave të tyre ( të koncesionit ), punimeve dhe palëve të treta dhe të objektit në përfundim të tij.
• Situacionet pjesore të shoqëruara me librezat e masave dhe faturat tatimore për çdo punim të kryer, sipas formatit tip, referuar – Udhëzimit Nr. 3, datë 15.02.2001“Për Mbikëqyrjen dhe Kolaudimin e Punimeve të Ndërtimit” (Ndryshuar me udhëzimin e Këshillit të Ministrave, nr.4, datë 17.05.2001, nr.7, datë 21.11.2001, nr.1, datë 22.02.2005) dhe Udhëzimit Nr.1, datë 16.6.2011 “Për disa ndryshime në udhëzimin Nr.3, datë 15.2.2001 të Këshillit të Ministrave “Për mbikqyrjen dhe kolaudimin e punimeve të ndërtimit”, të ndryshuar.)
• Raporti Përfundimtar i Mbikqyrjes, raporti perfundimtar i testimit dhe Akt kolaudimi i Veprës / Veprave.
• Projekti i Zbatuar në objekt ‘As Build” për ndërtimin e tij. Në rastet kur ky projekt ndryshon nga projekti i miratuar nga Autoriteti Kontraktor, duhet të paraqiten miratimet e këtyre ndryshimeve  nga Autoriteti Kontraktor me kërkesë të Shoqërisë Koncesionare, kërkesë e cila shoqërohet me arsyetimet përkatëse të miratuara me përpara nga projektuesi i veprës dhe mbikqyrësi i saj.
• Kontrata e makineri pajisje (lista e makinerive, specifikimet, të noterizuara), çertifikatat e origjinës, zhdoganimet dhe dokumenta të tjera shoqëruese për makineritë dhe pajisjet, transfertat e pagesës së kontratës.
• Dokumentacioni i lidhjes (vo: dokumentat janë gati nga procedura e lidhjes), licensa e ERE-s, kontrata për shitjen e energjisë, miratimi i lidhjes (nga “OST” ose “CEZ shpërndarje”), kontrolli dhe marrja në dorëzim i linjës së lidhjes me sistemin nga “OST” , kolaudimi i sistemit të matjes, proces-verbali i instalimit të matësit.
• Komisionimi, çertifikata e komisionimit (kolaudimit), (firma: kolaudatori dhe mbikqyresi), raportet e testeve të komisionimit (firma: kolaudatori dhe mbikqyrësi) + testimet e fabrikës, testet e performancës , projekti elektrik i hidrocentralit (kujdes: jo projekti i  lidhjes me sistemin), inventarin makineri dhe pajisje.
• Faturat e shitjes së energjisë me tvsh.
• Dokumenta lidhur me korrespondenca shkresore  me MEI, etj.
• Shfrytëzim, raportim progresiv, akt-rakordimet dhe faturat e prodhimit të energjisë elektrike, raporti i gjendjes së strukturave të HEC-it., raporti i monitorimit mjedisor, orët e punës për secilin hidroagregat, përmbledhëse të remonteve dhe avarive kryesore, përmbledhëse të punimeve mirëmbajtëse.
• Bilancet, pasqyrat financiare, shitje-blerje.
• FDP përfundimtare dhe analitike për çdo vit investimi shoqëruar me librin e blerjeve dhe shitjeve.
• Situacionet e punimeve të vulosura / firmosura sipas Udhëzimit Nr. 3, datë 15.02.2001 dhe Udhëzimit Nr.1, datë 16.6.2011 , “Për Mbikëqyrjen dhe Kolaudimin e Punimeve të Ndërtimit”.
• Deklaratat doganore për blerjet e pajisjeve të importuara nga jashtë.
• Pasqyra e të ardhurave dhe shpenzimeve.
• Preventivin sipas miratimit të projekt- zbatimit të miratuar nga Autoriteti Kontraktor (vulosur)
• Preventivin faktik nëse ka tejkalim investimi të firmosur me shtesë kontrate dhe të miratuar nga Autoriteti Kontraktor

Hapat e Procedures:

-Dërgimi kontratës nga MEI.
-Dërgimi i projektzbatimit, vulosur nga MEI.
-Njoftimi i koncesionarit për monitorimin në terren dhe dhënia e dokumenteve sipas planit vjetor të monitorimit.
-Inspektimi i punimeve në terren dhe rendimenti i punimeve.
-Zhvillimi i aktit të monitorimit.
-Përshkrimi i dokumentave të koncesionit.
-Nxjerrja e raportit të monitorimit.
-Dërgimi i raportit të plotë (teknik, ligjor, ekonomik) në MEI.

– Vleresimi i Investimit te kryer nga shoqeria koncesionare
-Rinovimi i bazës së të dhënave.

Periudha e vlefshmërisë:

Sipas kontratës koncesionare